Recent Comment

Archives

Thirst (饑渴誘罪, 2009)

Thirst (饑渴誘罪, 2009)

導演
朴贊郁
演員
宋康昊, 金玉彬
連結
imdb link
www.thirstmovie.com 

 

 

簡介
現代, 南韓~ 神父 尚賢 (Sang-hyeon, 宋康昊 飾) 在醫院工作, 為了挽救更多生命, 他自願參與研究致命病毒疫苗的臨床實驗, 雖然最後奇蹟生還, 但卻在輸血過程中變成要靠吸血維生的吸血殭屍~ 尚賢 回到南韓, 遇上舊友 強宇 (Kang-woo, 申河均 飾), 並深深被其妻子 泰珠 (Tae-joo, 金玉彬飾) 吸引, 還成為他們家中常客~ 泰珠 多年來一直受到 強宇 及外母的虐待, 她渴望 尚賢 帶自己脫離苦海~ 面對愛情的誘惑和殺人吸血的衝動, 尚賢 決定脫去神父袍, 開始過吸血鬼的新生活~

 

評語
新一代南韓電影其中一項過人之處, 在於成功把一點新鮮的元素注入商業電影之中, 令貼近主流電影公式的製成品亦不落俗套, 奉俊昊 的 “the Host” (韓流怪嚇, 2006) 和 朴贊郁 的 “Oldboy” (原罪犯, 2003) 都是經典的例子~ 激進的表達形式總有吸引觀眾眼球的元素作調和, 大概因為有流行偶像 Rain 坐鎮, 朴贊郁 才會拍出奇幻元素最強, 畫面和情節最匪夷所思的 “I’m a Cyborg, but That’s OK” (再造人之戀, 2006)~

朴贊郁 的新作 “Thirst”, 可說是替傳統吸血殭屍電影製作一個現代東方新版, 一方面像 “the Host” 加入了搶眼而高質素的特技效果, 同時不忘導演一貫對道德問題的一點思考~ 唯一可惜的是 朴贊郁 沒有對同類電影帶來太多創意或衝擊, 相比起他之前的作品亦較保守, 只沿用吸血殭屍的指定動作 (扮蝙幅, 咬頸吸血, 見光死之類), 訴說一個正邪不能兩立的故事~

在角色設定上, “Thirst” 直有如荷里活電影般乾脆清晰~ 一位神父 (善良) 意外變身成吸血殭屍 (邪惡), 清楚點出故事中心的道德矛盾: 希望行善的好人卻變成害人吸血的惡魔, 他面對最大難題就是如何不傷害別人而取血續命~ 女主角 泰珠 的定位也是同樣鮮明, 她代表著沒有道德顧慮, 沒有良知的絕對邪惡, 是男主角的黑暗反面~

“Thirst” 沒有像 “Sympathy for Lady Vengeance” (親切的金子, 2005) 般對道德問題作出近乎理論性的探討和辯證, 點明了的神父面對的道德難題後, 便在大量血漿和親熱場面中目睹神父一步步走向墮落和死亡的過程~ 片中最有趣的一段, 應是 尚賢 協助 泰珠 謀殺丈夫 強宇 後, 一連串顯示他們深受良心譴責, 強宇 到處出現纏繞二人的超現實場面~ 相比起吐血, 割喉, 斷手等血腥畫面和略為賣弄的性愛描寫, 這點黑色幽默反而才是電影最吸引之處~

14 comments to Thirst (饑渴誘罪, 2009)

  • 雖然整色整水又整血, 我覺得呢套戲要講宗教道德救贖等道理, 但新意唔大, 似乎有心無力.

    以前我睇戲多少會刻意搵一D有關人性情慾為題材既電影欣賞, 睇左唔少, 大部份灑鹽花居多. 簡約既 (布烈遜, 唔係我想捧大師啊! 我只睇過兩套而已) , 反而達到後人千方百計拍出, 但只想道出一個理念既目的.

  • re: Agnes
    這部應該算是導演比較主流一點的東西? 有時更覺得有少少在賣弄特技效果~ 宋康昊 所演神父一角沒有令人信服的描寫, 有點電視劇那種穿上白袍便是醫生的感覺~

    布烈遜 創出一套獨有的表達方式, 很清楚知道自己想要做甚麼, 怎樣做, 做多少~ 這種給自己定下一套規則, 並堅守實行的自覺性實在不容易~

  • 朴贊郁我一直都唔覺得算係唔主流啊! 布烈遜談宗教、道德救贖同其他編導好唔同既地方, 我諗在於好多知識分子對呢類問題既探討, 都在哲思層面上, 我覺得當中做得最好既係bergman, 但較次的就可能挪用一D激烈主題做碰撞 (當然更不排除掛羊頭賣狗肉), 呢D方法既問題係冇落地, 只係邏輯性既野。布烈遜唔同你講呢D (除左鄉村牧師日記), 佢切切實實show俾你睇, 呢種道德感存在於何方, 存在於人們那些專心一致, 倔強既動作, 他們為達成目的既專注。 另外比如溝口健二既電影都係充滿道德神聖感, 來源自片中意志堅強既女性(縱使好可能只係盲從禮節)。

  • re: ab_jj
    嗯嗯, 你說得對, 朴贊郁 一向是在商業片上搞點新意思, 只是今次連那點新意思也收歛了不少~ 我看新一代南韓片不算很多, 但感覺它們在表達上大致都沿用傳統的方式, 只是在畫面和題材上整色整水, 最有特色而最有名的應該就是不久前談過的 洪尚秀~

    也同意你談 布烈遜 的作品, 正因他的電影重點在於身體和動作, 所以也曾被標籤為 materialist (唔知點譯好)~ 其實 英瑪褒曼 的電影我只喜歡其中幾部, 就別在這裡岔開話題了~

    我猜, 布烈遜, 溝口健二 (我再加上 德萊葉 和 塔可夫斯基, 希望你不反對) 的電影之所以有這種 “神聖感”, 很大程度是因為他們各自獨特的拍法~ 盲從禮節/意志堅強的女性角色在許多電影都有, 但沒多少能像 溝口健二 鏡頭下的女性那樣~ 查實 “神聖感” 這詞語似乎宗教性太強, 或者可以叫 “高尚情操的感覺”, 不過這似乎又回到英語 “transcendental cinema” 這種含糊的詞語了~

  • 朴贊郁,我只睇過原罪犯,覺得好好睇
    咁咪今日一條友仔去睇thirst囉

    但令我都幾失望,冇張力,冇創意,連畫面既控制都做得唔好
    不過最可笑就係戈個盲既神父,竟然要佢既血
    從來都沒有救贖
    「你想幫人?你細細個我就叫你學醫嫁啦!」

    朴贊郁將信仰都踩得幾低下,尤什於佢pray戈時,個護士d眼神
    另外想讚一讚第一埸性愛埸面,男女主角戈一種對欲望既饑渴做得淋漓盡致!腳趾手趾戈一幕真係令人好感動!我地都係動物黎嫁姐…

    不過有d野想發洩下,小弟睇戲戈時,全院得三丁友
    其中一個係我後面,仆街,係第1埸性愛埸面佢係到打飛機
    中埸之後仲走埋添

    我講o左句on9仔

  • re: Nathan
    我都覺得呢套麻麻地, 好多多餘o野, 賣弄特技, 亦賣弄性愛場面~ 你話佢d性愛場面拍得真咁都係o既, 但我覺得有d over…

    我對南韓信仰發展唔係好清楚, 有睇過報導話當地都幾多信徒同埋幾熱心, 但似乎南韓導演對信仰看法都唔係好正面~ 李滄東 不時加入d 嘲弄位, 朴贊郁 一向都唔覺得宗教有咩救贖, 但講真 朴贊郁 通常都只係講得比較淺, 好似今次 宋康昊 演o既神父, 就真係無咩說服力同深度~

    喂唔係嘛… 坐你後面打飛機? 你當時形勢好危險喎, 駛唔駛縮低個頭閃避?? =]

  • 所以我真係唔明點解康城比個評審獎佢…
    朴贊郁講得比較淺呢點好認同
    就算係原罪犯,我覺得故事都好簡單,不過有佈局,而且夠破格
    反而最欣賞係長巷打交戈一段,真係好靚

    戈條仆街應該未射既,但真係,打飛機你返屋企睇av啦,on9
    我聽到解皮帶聲先既,之後就連續既 東東 聲,我轉過一次面過去望佢
    可能唔自在射唔到掛佢

    Michael Haneke拎o左康城個最住導演喎,好期待佢戈套白絲帶

  • re: Nathan
    今年康城套 “Kinatay” 攞獎都係搞唔明 =]

    o係法國電影節睇埋套 “a prophet”, 仲有同志電影節套 “春風沉醉的晚上” 又睇o下點?

    好多影評都話今年康城影展血腥同垃圾 (其實年年都有人話康城越來越銅臭, 只係今年評價特別差), 睇佢競賽名單都覺得無咩好揀, 好多都係d出晒名, 入晒成熟期o既導演 (艾慕杜華, 蔡明亮, 珍康萍, 堅盧治, 杜sir, Bellocchio, 阿倫雷奈, etc.), 都不太期待會有咩驚喜… 唯有希望一向愛挑釁o既 Haneke 會繼續不妥協啦~

    你o係戲院目擊炮兵隊做o野成件事聽落都仲係好驚險, 真係估唔到依家睇戲咁刺激~

  • 妖…. 同意Nathan兄所言打aeroplane不如返屋企睇鹹片! 咁都都引到個on9仔除褲, 佢道行未免太低啦!

  • No Gravatar

    http://www.barnesandnoble.com/holiday-gifts/collection.asp?PID=31880&

    純分享,我都未幫襯過呢間野,不過好似好抵…計返,好多150留下已有交易…

  • re: Agnes
    um… o係公眾地方可能係part of the fun 呢~ =]

    re: 皓
    我幫趁過b&n買書同買cd, 影碟就未試過, 不過佢地應該都靠得住, 呢d大減價機會o係大時大節都會有, 真係幾抵的 (唔似得香港o個種年中無休o既假減價)~

  • Nathan講果間戲院係……?

  • 天水圍銀座.唔通戈位人兄就係峰兄@@!?

Leave a Reply

  

  

  

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>