Recent Comment

Archives

Eastern Promises (黑幕謎情, 2007)

Eastern Promises (黑幕謎情, 2007)

導演
David Cronenberg
演員
Viggo Mortensen, Naomi Watts, Vincent Cassel
連結
imdb link
official site

 

 

簡介
現代, 英國倫敦~ 父親原籍俄羅斯的助產婦 Anna, 在產後過身的14歲女童 Tatiana 身上檢獲一本用俄文寫的日記簿, 她拜託懂俄語的叔叔 Stepan 幫忙翻譯, 叔叔卻因內容敏感而勸她別再多管閒事~ 後來, Anna 認識了俄羅斯餐廳老闆 Semyon, 並讓他翻譯日記~ 原來 Semyon 是東歐黑幫勢力 Vory v Zakone 的頭領之一, 日記上記載著女童慘被 Semyon 及其兒子 Kirill 虐待和蹂躪的慘況~ Semyon 派遣 Kirill 的密友 Nikolai 取回日記, 並吩咐他把知情者殺死~ 另一方面, 早前 Kirill 設計殺死黑幫內另一家族的重要人物, 現在對方派殺手四出進行報復~

 

評語
經過大獲好評的 “A History of Violence” (暴力史, 2005), 加拿大導演大衛哥連堡 (David Cronenberg) 再次跑到英國倫敦 (對上一次應是 “Spider” (蜘蛛夢魘, 2002)), 再度與前作主角 Viggo Mortensen 合作, 拍攝這部儼如姊妹作的電影~ 同樣是個主角擁有雙重身份, 性與暴力並行的故事, “Eastern Promises” 的情節和人物比前作只更加複雜, 這相信很大程度要歸功於編劇 Steven Knight, 此君亦是 Stephen Frears 舊作 “Dirty Pretty Things” (天使夜驚情, 2002) 的編劇~ “Eastern Promises” 的故事延續 “Dirty…” 對英國社會中小數族裔小圈子文化的描寫, 本片中那所俄羅斯餐廳就如 “Dirty…” 那家販賣人體器官的高級酒店, 在替老婆婆開生日會的表面歌舞聲平背後, 埋藏著許多不可告人的血腥秘密~

能夠把故事成功影像化, 則有賴導演和演員們出色的表現, 其中又以飾演 Nikolai 的 Viggo Mortensen 尤其精彩~ 這位背負雙重身份的硬漢, 縱觀全片沒有一刻情緒化的誇張演出, 無論是在毀屍滅跡, 跟黑幫頭領會面, 或是向 Anna (Naomi Watts 飾) 示好, 都一直保持著冷酷而自信的神態~ 身處殺人不眨眼的黑幫圈子中, 絕不容許半點鬆懈, 不能有一絲自我懷疑, 電影未透露 Nikolai 的真正身分之前, 他看起來根本與真正的黑幫份子無異~ 電影從沒透露他身上的紋身是否真實的 “犯罪紀錄”, 只為他的身份更添一份神秘感~

談 “Eastern Promises” 不能不談當中暴力和性的元素~ 一如 “A History of Violence”, 哥倫堡的鏡頭從來不對暴力鏡頭有所畏縮 (但也沒有刻意美化), 只冷靜地捕下一些極其真實的反應~ 例如開場在理髮店割喉一幕, 便因持刀者的緊張和驚慌而加倍暴力, 相比之下中段黑幫殺手一刀致命的 “專業” 割喉手法便更顯冷血~ 至於浴堂大戰一幕更是非常逼真緊湊, 按本能反應求生, 隨手執起武器便瘋狂攻擊的粗野殺人手段雖然兇殘, 卻又自然之至~

有別於前作, “Eastern Promises” 從頭到尾沒有拔過槍, 只以剃刀和短刀殺人, 直令搏鬥過程更加貼身和 “親密”, 在浴堂中赤裸肉搏的 Nikolai 宛如一隻原始野獸, 身上的刺青甚至散發出點點剛陽的色情意味~ Kirill (Vincent Cassel 飾) 看著 Nikolai 與妓女親熱一幕, 同樣有著複雜的性含意~ 加上女童 Tatiana 的旁白, 導演在訪問中戲稱這是一場4P性愛: Nikolai 實際上與妓女發生肉體關係, 他卻藉此挑逗並操縱對他有同性愛意但不敢公開承認的 Kirill, 而該妓女又呼應著早前 Tatiana 不幸的遭遇~

Tatiana 多次出現的旁白, 不只透露重要的劇情線索, 也在重覆訴說她渴望走出家鄉的憧憬, 與及對 “走到西方社會便能開創新生活” 這承諾 (英語片名的 “promises”) 的追求~ 當 Tatiana 的旁白襯在 Anna 背後, 當中的對比尤其震憾: Anna 可以說是這願望成真的模範, 她雖擁有俄羅斯血統, 卻已不懂俄語, 對祖家的記憶只是一口美味的羅宋湯~ 只是, 更多遠道而來的女生將沒有機會看見夢想成真, 被囚禁的妓女們將來甚或會步 Tatiana 的後塵~

結尾一幕 Nikolai 回到俄羅斯餐廳獨坐, Tatiana 初段讀過的旁白再次響起, 就像在重申貧窮東歐女孩們移居西方發達國家的夢想~ 承諾畢竟只是未實現的期望, 一旦美好的諾言破滅, 便要跌進由性和暴力支配的殘酷現實世界之中~

13 comments to Eastern Promises (黑幕謎情, 2007)

  • 本來我不認為Nikolai跟Kirill”有d野”, 依家聽你咁講, 我又睇多一次…導演話乜就乜啦.

    (btw, Viggo浴室肉搏一幕, 我前面一對情侶睇到好肉緊, 女既挨落個男仔度話好驚….XP)

  • re: Agnes
    從Semyon被抽血後一幕可知佢對同性戀很反感, 這也有可能是Kirill得不到爸爸認同的原因 (Kirill早前侵犯女童不果, 是否已洩露了他的同性戀傾向?)~ 你說Nikolai有點像Kirill的father figure, 這點我也同意的~ 這電影的角色比導演上一部複雜得多, 人物之間的關係和角力亦很有趣~

    浴室肉搏一幕最後o個下反手奪命刀真係幾激, 但危急關頭拎起把刀隨手就插落人地度又係好自然o既反應~

    講起訪問, 原來網上都有喎:
    http://www.youtube.com/watch?v=HXocKRptV3U

  • 肉搏果幕, Nikolai手刃敵人A, 手法令我想起Midnight Express男主角推死獄卒一段(我都好想搵番黎睇, 20周年版本dvd已經絕版, 希望有30周年); 手刃敵人B果度, 就真係慘不忍”睹”.

    為左上位, Nikolai要同Kirill”發展”同性情誼. 但佢對Anna有好感係事實, 證明佢攣唔哂~ 而Kirill因為黑幫兄弟話佢係同性戀, 就攪掂左對方, 都可以話係佢好介意俾人知道佢既性取向.

    係Youtube睇番”Scanner”既片段(實驗/結局), 人力資源相當簡單(因為low budget), 但效果卻令人毛骨悚然. 相比哥導之前既作品, Eastern Promises精簡、深藏不露. 好多人都估佢留一條埋線俾Nikolai繼續無間, 咁我都希望哥導同Viggo拍多一部, 湊夠一個Trilogy of Violence!!

  • “Midnight Express”30週年版未有, 睇住個濃縮版先啦~ 呢套戲印象最深, 係Georgio Moroder o既電子配樂~ 雖然贏o左奧斯卡, 但感覺其實有點怪…
    http://www.youtube.com/watch?v=4u7zQmT7Yww

    其實我覺得係Nikolai用Kirill同性戀呢一點o黎操縱佢~ 同性戀o係俄羅斯黑幫應該係禁忌? Kirill都話要試o下Nikolai係咪孿所以先叫佢同個妓女搞o野~

    Cronenberg我最記得其實係”the Fly”, 記得好細個時睇到入面拗手瓜一幕, 完全嚇到O晒咀, 不過呢套都算係佢o既主流片了~

  • 同意, Nikolai如果唔控制Kirill, 就唔可以順利坐正了. Nikolai一角更加俾我一種孤獨英雄既感覺.

    OT: 我都覺得”Chase”呢類電子音樂囉獎有D怪, 但套戲本身影響深遠, 據聞好多港產片都受左Midgnight Express影響. (我細細個係明珠台睇Midgnight Express架~) 我懷疑”國產凌凌漆”刑場行賄一幕係copy & paste! 仲有, 梁朝偉果套”黑獄斷腸歌”, 英文名竟然叫…..Chinese Mdignight Express.

    好多睇左Eastern Promises既人幾乎個個讚好, 甚至可以媲美史高西斯, 更異口同聲話套戲太受忽略. 希望呢匹黑馬出年可以爆冷啦.

  • 依家荷里活都唔未必再拍得出”Midnight Express”咁o既劇本啦, 入面真係幾抹黑土耳其喎, 尤其是Billy被判終生監禁之後自白o個幕~ 編劇早前Oliver Stone 都為過呢部戲道歉~

    其實呢, 忽略係香港啫… “A History of Violence” o係外國好紅o架, 呢部接力作自然係期待作~ 香港依家正場戲真係越o黎越弱喇, 連 “the Wind that Shakes the Barley”, “Children of Men”, 同埋d出名導演好似Wes Anderson, Herzog, 都無… 且看看 “Lady Chatterley”, “I Served the King of England”呢d 有三級o野作”賣點”o既又會唔會好運少少…?

  • 我都知道Midnight Express現實中果位主角, 話事實冇電影拍得咁誇張. 不過Oliver Stone當年後生, 梗有火啦.

    有網友話等A History of Violence出中文版碟, 我睇唔駛旨意有. 好快Eastern Promises又出DVD了~

    btw, (再再OT) 請問Garrick你有冇睇過Sally Field一套”Sybil”呢?

  • re: Agnes
    中文版碟… 都可能會有o既, 有時會無啦啦出返d舊戲, 但當然係差勁transfer同無bonus啦…

    “Sybil”未睇過… 聽都無聽過… TV movie o黎o架? 有咩特別吸引? 學肥谷話齋…

  • 你唔係串我丫麻…(講笑)之前在BC見過”Sybil”這隻碟, 起初都不知道是甚麼. 因為有Midnight Express男主角Brad Davis(未成名前)有份演出才留意到~ 明年HBO會重拍”Sybil”這套得獎電視電影. 改篇真人真事, Sally Field飾演自幼被母親虐待、長大後患有多重人格分裂症(至少有15種性格)的病患. 替她治病的醫生是Mrs.Paul Newman/Joanne Woodard─憑”三面夏娃”(Three Faces of Eve) 的三重人格分裂女病人角色拿了小金人. (70年代似乎都很流行這種以女性為主角的電影~) 在youtube看到幾段片, 覺得有點吸引而已.

  • 講講下講起midnight express 真係幾懷念
    之前認識了一位土耳其人, 講起這套電影佢突然火光.話事實並不是如片中恐怖…我想有真有假吧, 也想重溫多次

    法國電影節有心水嗎?

  • garrick,真係俾我估中左,Midnight Express 30周年版本將於明年2月推出!

  • 《黑幕謎情》:震撼的黑幫暴力…

  • re: Agnes
    搞o下爛gag啫, 唔好見怪~ “長大後患有多重人格分裂症(至少有15種性格)的病患”… 係咪應該快d叫杜琪峰拍出o黎, 睇o下15個人點迫入架車度~?

    re: ulrikaching
    有真, 有假, 但睇戲o既人好容易會將假O既都當埋係真~ 查實對於一d陌生o既國家, 好可能真係由電影(劇情片)開始接觸的, 儘管呢個唔係一個好好o既方法…
    法國電影節我最期待侯孝賢, Rivette同Resnais o既新戲啦! 如果有埋盧馬套新戲呢, 咁今屆法國電影節就真係無得頂喇~

Leave a Reply

  

  

  

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>