Archives

Simpsons Movie, The (阿森一族大電影, 2007)

The Simpsons Movie (阿森一族大電影, 2007)

導演
David Silverman
演員
Dan Castellaneta, Julie Kavner, Nancy Cartwright, Yeardley Smith
連結
imdb link
www.simpsonsmovie.com

 

 

簡介
現代, 美國~ the Simpsons 一家五口住在污染嚴重的春田 (Springfield) 市, 搖滾樂隊 Green Day 在市內舉行環保音樂會, 舞台卻在表演中途沉沒令樂隊全員喪命~ 在教堂的追悼會上, Simpsons 爺爺忽然胡言亂語, 經媽媽 Marge 仔細研究後發現這是春田市將被毀滅的預言~ 妹妹 Lisa 與新認識的愛爾蘭男生 Colin 一起搞講座宣揚環保, 但爸爸 Homer 卻不理禁令, 把新收養的小豬的糞便棄置在湖內, 令湖內生出一隻變種怪物~ 美國政府環保局得知污染問題後, 決定把春田市罩在巨型玻璃罩下~ 憤怒的市民找 Homer 報復, Simpsons 一家於是潛逃到阿拉斯加定居~ 環保局局長發現玻璃罩即將破裂, 決定要把春田市炸掉, 並將炸掉的大坑宣傳成新大峽谷作旅遊景點~ Merge 和子女看過廣告後決定拯救春田市, 留下貪戀阿拉斯加生活的 Homer 孤獨一人~ Homer 拜訪一位因紐特人祭師後有所頓悟, 決定也要長途跋涉回春田市, 為拯救小鎮而努力~

 

評語
難怪有人說這是塔倫天奴的年代~ 一部有如 the Simpsons 般歷史悠久的動畫系列 (1989年首播至今仍未完結), 一旦跳上大銀幕仍免不過要大搞模倣/致敬/戲謔一類玩意~

當然, the Simpsons 在電視系列中一向已喜歡加入形形式式的參照, 更不時有現實世界中的人物 “亮相”, 本片亦可找到樂隊 Green Day, Tom Hanks 和升格為總統先生的阿諾舒華辛力加~ 只可惜這電影的故事實在過分單薄, 只像另一齣電視劇集的加長版~ 雖然編劇名單多達11人, 劇本聲稱寫過過百遍, 但感覺只像個角色大集合的慶祝派對, 甚至更像是一個乘機讓 Simpsons 家族模倣大堆經典電影來幽默一番的藉口~

即便是不太留心的觀眾, 相信也不難察看到本片跟 “2001: A Space Odyssey” (2001太空漫遊, 1968), “An Inconvenience Truth” (絕望真相, 2006), “Spider-Man” (蜘蛛俠, 1967), “Happy Feet” (踢躂小企鵝, 2006), “Titanic” (鐵達尼號, 1997), “Star Wars” (星球大戰, 1967), “Bambi” (小鹿斑比, 1942) 等電影的關連, 而這些相信亦只是一小部分較顯眼的致敬/奚落對象~

本片較失色之處, 無非是它過分依賴胡鬧誇張的怪行, 玩裸體/穢物一類簡單低俗的玩笑 (全片最佳笑位可能是 Homer 騎雪狗車一段), 欠缺早期電視系列那些抵死到肉的對白和社會怪狀的諷刺~ 只消看看 Bart 幾乎 “變節” 投向麻甩模範家庭 Flanders 的懷抱, Lisa 與無端殺出的白馬王子 Colin 發展出一段浪漫感情, 連 Marge 和 Homer 兩夫婦也要搬出陳年新婚影帶互訴愛的宣言, 便可知今天的 Simpsons 已變得溫情有餘而睿智不足~

坊間普遍認為 the Simpsons 電視系列踏入2000年後漸漸失色, 這部千呼萬喚始出來的大電影感覺就像某某過氣樂壇前輩的最新大碟, 排頭十足但質素不過爾爾~ 在結尾字幕的花絮片段中, 小 Maggie 開口說的第一句話竟然不叫爸媽叫 “sequel”, 實令人懷疑製作者心底沒說出口的是不是一句 “cash in”~

7 comments to Simpsons Movie, The (阿森一族大電影, 2007)

  • 電視版既simpsons,我只係睇過以前atv播既一兩季(既其中幾集),印象唔深,唔敢比較simpsons電視版同電影版

    單就電影版黎講,你一句睿智不足真係總括晒全戲,諷刺唔深刻,例如阿諾隨口up number黎揀政策,實在係老套橋段。另,劇情單調,主題不定,講得又膚淺。笑料亦屬意料之內,完全不覺得抵死,不覺得意念瘋狂

    若講電視動畫既電影版,或者係諷刺性動畫,八年前既south park: bigger longer and uncut更加出色,啜核,故事主題亦有深度,戲謔,諷刺手法,對白,創作人既洞察都高明得多

  • 其實成堆暴民追捕simpsons一幕, 記得o係第一季講bart斬斷o左個銅像個頭o個集都出現過~ 以前d simpsons無咁多屎尿同裸體, d對白抵死好多o架~ south park電影我反而未睇過呢…

  • 其實我覺得搬上大銀幕的《Simpsons the Movie》算是不過不失,攪吓 gag,笑過吓,串吓呢嗰又啼吓果嗰,勝在啲料夠新。就好像《beavis and butthead》的電影版,又係笑吓就算,總算是了咗件心事。south park 我都冇過喎…

    睇咗《Renaissance》,超好睇。劇情、場景、分鏡、節奏、音效、影像均屬 100 分。等你睇完再講。

  • re: sunnychanorg
    玩”titanic”個gag都唔知係咪由97年一路烘到依家 XD
    “Renaissance” 剛剛看了, 評價無你咁高, 但以模擬真人的動畫來說都算是上品~ 係喇, 你覺唔覺呢套有d攻殼feel?

  • 開頭的破案一段似 Minority Report, 未來世界的場景似攻殼, 對 progeria 衰老症的描寫又有啲似阿基拉, 對 Avalon 公司的描寫又有啲似 The Matrix

  • re: sunnychanorg
    呢套個結尾都幾出人意表, 不過同時都ok灰~ 畢竟Karas先生只能暫時拖延人地破解永生之法, 遲早都會有第位天才科學家出現, 科學發展並唔係一個人一枝槍可以阻止到~ 總覺得導演係向押井守致敬多, 隱形戰衣, 主角造型同未來世界觀都好鬼攻殼, 而且押井守又有套真人+動畫叫 “Avalon”~

  • 我好像看過廣告,看到片中某些場面,還以為是Avalon劇本的另一個版本.

Leave a Reply

  

  

  

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>